لما تكلمنا أو تطلب فحص مجاني لموقعك، بنجمع اللي انت بتختار تبعته: اسمك، رقم واتسابك، لينك موقعك، ووصف المشكلة. ولو جايين من إعلان، ممكن نسجّل باراميترات الحملة (UTM) عشان نعرف الحملة اللي جابتك.
في الرد على طلبك، وتحضير الفحص أو عرض السعر، وتقديم الخدمات اللي بتطلبها بس. بنبيع بياناتك لحد؟ لأ. بنشاركها مع طرف تالت للتسويق؟ لأ. بنضيفك على قوايم بريدية انت ما طلبتهاش؟ لأ.
لو وظّفتنا ندير أو نصلّح موقعك، ممكن تدينا وصول لموقعك أو استضافتك أو إيميلاتك. بنستخدم الوصول ده في الشغل المتفق عليه بس، وبنحافظ على سرية بيانات الدخول، وبنرشح إنك تغيّر كلمات السر بعد أي تعامل مؤقت.
بنستخدم Google Analytics 4 وMeta Pixel لفهم إزاي الزوار بيستخدموا الموقع وقياس أداء إعلاناتنا. الأدوات دي بتستخدم كوكيز — شوف إشعار الكوكيز للتفاصيل والخيارات.
تقدر في أي وقت تسألنا إيه اللي عارفينه عنك، وتطلب تصحيحه، أو تطلب مسحه. كلمنا على واتساب (+20 155 888 2181) وهنتعامل مع الطلب فوراً.